Lirik Anak Umbung - Hailey

Lirik Anak Umbung - Hailey


sayau mih meda bungai ti selalu ku timpai
di pagar duri enda ulih ku pegai
baka bulan ti terang di langit mingkai
deka dijapai tang enda ga datai

penuduk nuan tinggi anak umbung orang
disayau diasi baka ngibun kumang
aku tu nadai reta mayuh penimpang
semina ngembuan ati keran ke nuan

jauh bebida intan enggau kacha
baka genuk enggau tajau singa raja
bala nuan enda nyagi pengerindu tua
ketegal pangkat nama enggau pengeraja

nadai mih jalai ngempu ayam raja
ti di sengkilung tedung ular bisa
aku semina pipit diserarai umai
nuan kenyalang tinggi penerebai

simpan di ati ba sukut ti dalam
nyadika mimpi pengingat demalam
sayau pengerindu nyau lemas tengelam
ngasuh ensiban muruk nyadi riman
woooooo


Lirik Pengerindu Balang - Hailey

Lirik Pengerindu Balang - Hailey


tiap kali aku bekira
ngenang nuan jauh di mata
majak sunyi nadai berita
tua jauh menua bebida
tegal tua sama kereja
enda patut nanggul pengerindu tua

ku nyima nuan nyau berubah
ku nanya nama aku bisi penyalah?

tiap kali aku betanya 
nama berita nuan dara?
kekadang disaut kekadang enda
ku meda nuan enggau orang bukai
ati aku berasai enda nyamai
ukai ku ninding ukai ku enggai

nuan jauh ati ku beraie
sayauka nuan irauka nuan berubah ati

ku nanya burung tungguk lapa iya nyabak sesedan?
seruran nyabak sesikuk tegal iya keranka bulan
maya malam aku tinduk mimpi takut mimpi rawan
rembanka nuan ditaban antu sebayan 

ku nanya nuan intan bisi gelema diati nuan?
ku mamau siang malam nangika nuan bisi pangan
pangan baru nuan temu ngerampas nuan ari aku
ngujungka tua balang pengerindu

balang pengerindu tua balang
balang tegal nuan gila enggau orang
oh pengerindu balang


Lirik Mamau - Hailey

Lirik Mamau - Hailey


lebuh lemai hari aku duduk di penyurai
ngenang nasib diri ditinggalka nuan ambai
suba tua bejanji  mati idup sekunsi
makai segulai pinggai  parai seretai
 
aku agi ingat sempekat sumpah janji
sama nelentangka tapa’ jari
sapa mungkal nanjal ngakal pangan diri
busung mati di empa api

nama penyadi pengidup ku
diau merampau beraie ke nuan sulu
mimit ati nuan enda sinu
ninggalka aku seilu-ilu

suba nuan naka mih pemadas
baka lelemas ti ngerambing tebing
diatu aku nyau baka uras
ditepas buai ke teluk dinding
 
nuan dulu jampat nyangkal sempekat enda takut 
busungngelengka aku betunggang lupung
sayau nuan nyau lenyau merampau aku seingau-ingau
nya ngasuh ati ku balat mamau